Bertsozale Elkarteak internet bidez erreztu egin nahi die bertsozaleei saioetako sarrera salmenta. Horregaitik, aurtengo txapelketan, saio guztietarako sarrera etxetik erosi eta inprimatu ahal izango da.

*: Gazteak, 16 urte artekoak (16 barne)
**: Bonoak ez du finalerako balio

Sarrerei dagokionez, kasuan kasuko kontuan izan beharreko argibideak honako hauek dira:

Saioz saio

Asteburuetarako saioetarako salmenta aste horretako astelehenean aktibatuko da eta ostegunera arteko epea egongo da internetez erosteko.  Saioetako txarteldegian, baina, beti izango da sarrera kopuru bat salgai.

Bonoa

Finalekoa kanpoan utzita, Txapelketako 13 saioetarako balio du eta bonoari esker saioko deskontu handia jaso dezake bertsozaleak. Bonoak internetez bakarrik eskuratu ahal izango dira.

Finalerako sarrera zein autobus eta bazkari txartelak

Dagoeneko internet bidez hirurak erosi daitezke. Baina, datorren astetik, finalerako sarrerak, eta autobus zein bazkaritarako txartelak Euskal Herriko hainbat herritako salmenta puntuetan izango dira. Salmenta puntu horiek webgune honetako “Sarrerak” atalean zerrendatu ditugu.