Tolosan jokatu da gaur Bertsolari Txapelketa Nagusiaren finalaurrekoetako hirugarren saioa eta bertan 646 punturekin azaroaren 21ean Gernikan jokatuko den finalaurrekoetarako txartela eskuratu du Sustrai Colinak.

Bertsozalez josi da Usabal Kiroldegia. 1700 lagunek jarraitu dute zuzenean saioa eta tamalez, nahiz eta antolakuntzak gerturatu diren guztiak sartu ahal izateko ahalegina egin, zenbait lagun geratu dira saiora sartu ezinik.

 Bertsozale Elkarteak eskerrak eman nahi dizkie Altzoko, Alegiko, eta Ibarrako bertso eskoletako kideei eta Tolosako Udalari saioaren antolakuntzan eskainitako laguntzarengatik.