Bertsolari Txapelketa Nagusia 2009 aurkezteko prentsaurrekoa Euskaltzaindiaren Bilboko egoitzan egingo dute Bertsozale Elkarteko kideek. Iñaki Murua elkarteko lehendakaria eta Xabino San Sebastian txapelketako arduradunarekin batera, Txapelketaren babesle diren erakundeetako ordezkariak izango dira:  Bizkaiko Foru Aldunditik Josune Ariztondo,  BBKtik Gorka Martinez, Kutxatik Iñaki Almandoz, Caja Vital Kutxatik Iñaki Gerenabarrena eta Euskalteletik Olatz Basagoiti.

11:00etatik aurrera, zuzenean jarraitu ahal izango duzu prentsaurrekoa. Parte hartzeko, berriz, alboko txatean erregistratzeko pausuei jarraitzearekin nahikoa duzu.