Ohitura bihurtu da dagoeneko. Saio ostean atera genuen argazkia Arriagako oholtza gainean. Santutxuko bertso eskolakoak dira hain irrifartsu ageri direnak.  Primeran gelditzen zitzaien baina egoskortu eta peto naranja kenduta igo ziren oholtzara. Aurretik zintzo aritu ziren Arriaga atarian jendea bideratzen, sartzeko desiratzen zeuden entzuleen hilarak antolatzen, sarrerak balidatzera zihoazenak eta takilatik pasa behar zutenak bereizten. Makinek ez zuten nahi bezain azkar ”pi” egin, urduritasun momentuak ere bai bakarren bat, baina denak sartu ziren Arriagan.