Category Archives: Albiste ofiziala

Bertsozaleen iritziak goizeko saioari buruz

Data: 2009/12/13

Finala komunikabideetan

Data: 2009/12/12

Bertsolari Txapelketa Nagusiaren finala 14500 lagunek ikusiko dute BEC-en. Baina, komunikabideen bidez finala etxe, taberna, txoko… BEC-etik kanpo ere bizi ahal izango duzue.

Hona hemen finala zuzenean  eskainiko duten komunikabideen zerrenda:

Twitter bidez, Karkara aldizkariarekin elkarlanean, webgune honetan finalari buruzko komentarioak eta iritziak plazaratzeko aukera izango duzue.

Goiz eta arratsaldeko saioak honako komunikabideetan jarraitu ahal izango dituzue:

  • ETB1  eta eitb.com
  • Info7, Bertsoa.com eta Argia.com-ek elkarlanean
  • Bizkaia Irratia
  • Euskal Irratiak
  • Radio Euskadik, goizez, “Más que palabras” saioa BEC-etik eta arratsaldean zehar konexioen bidez
  • Euskadi Irratiak, goizez konexio bidez eta arratsaldean oso-osorik.

Finalerako autobusen ordutegia

Data: 2009/12/07

Ia 3000 lagun joango da abenduaren 13an Bertsolari Txapelketa Nagusiko finalera, Bertsozale Elkarteak ipinitako autobusetan.

BEC-eko ateak goizeko 9:30etan zabalduko direla kontuan hartuta antolatu dira autobus linea eta ordutegiak.

Garrantzitsuak dira hurrengo bi oharrak:

- Autobusa txartelean zehaztutako tokian hartu beharko da. Ez da utziko zirkuitu bereko beste geltoki batean autobusera igotzen, nahiz eta txartela izan.

- Jarritako ordua baino ordu laurden lehenago agertzea eskatzen du antolakuntzak

Osoa irakurri »

Zortzi finalistak izan dira Txapelketa Nagusiko Finalaren prentsaurrekoan

Data: 2009/12/02

Barakaldoko BEC-en egin dute prentsaurrekoa, finala izango den leku berean hain zuzen ere. Iñaki Muruak, Euskal Herriko Bertsozale Elkarteko lehendakariak, finalari buruzko hainbat datu emateaz gain, txapeldunari txapela nork jantziko dion ere esan du. Zortzi finalistak umoretsu agertu dira kazetarien aurrean; eta finalerako egun gutxi batzuk falta diren honetan barruan dituzten sentsazioak kanporatu dituzte Unai Iturriagak, Maialen Lujanbiok, Andoni Egañak, Jon Maiak, Aitor Mendiluzek, Amets Arzallusek, Sustrai Colinak eta Aitor Sarriegik.

Hemen ikus eta entzun ditzakezue bertsolarien adierazpenak.

Prentsaurrekoko gainontzeko bideoak www.bertsoplaza.tv-en dituzue ikusgai.

Autobusetarako eta bazkaritarako txartelak agortu dira

Data: 2009/12/01

Bertsozale Elkarteak abenduaren 13an BECen egingo den finalera begira jarri duen autobus zerbitzurako eta bazkaritarako txartelak agortu egin dira.

Datorren astearen hasieran, webgune honetan autobusen geltokiak eta ordutegiak zehaztuko ditugu.

Maialen Lujanbiorentzat Donostiako finalaurrekoa

Data: 2009/11/29

maialen Donostian jokatu den azken finalaurrekoan Maialen Lujanbio izan da puntu gehien lortu dituena. Ondoren, hurrenez hurren, Jon Maia,  Aitor Sarriegi, Uxue Alberdi, Arkaitz Estiballes eta Iñaki Gurrutxaga izan dira. 

Gaurko saioarekin erabakita geratu da abenduaren 13ko finala. Andoni Egañarekin batera izango dira finalean Maialen Lujanbio, Amets Arzallus, Aitor Mendiluze, Jon Maia, Unai Iturriaga, Aitor Sarriegi eta Sustrai Colina.

Bertso gosez 6.000 bertsozale gerturatu gara Belodromora txapelketaren azken finalaurrekoaz gozatzera. Gaur amaitu dira, gainera, finala ikusteko sarrera guztiak.

Oraindik eskuragarri daude finalera joan etorria egiteko autobus txartelak. www.bertsosarrerak.eu atarian izango dira salgai abenduaren hiruko gauerdira bitartean. Txartela hartu dutenek txartelean bertan jartzen duen geltokian hartu behar dute autobusa. Herri bakoitzeko ordutegia abenduaren bostean jakinaraziko da www.txapelketanagusia.eu atarian. Autobus txartela internet bidez eskuratu dutenek posta elektronikoan jasoko dute autobusaren irteera orduaren berri.

Antolakuntzatik eskerrak luzatu nahi dizkiegu Donostiako Udaleko Euskara Patronatuari, Kirol Patronatuari eta herritarrei saioaren antolakuntzan eskainitako laguntzarengatik. Era berean, eskerrik beroenak Donostiako bertso eskolari, Orioko Errikotxia Bertsozale Elkarteari eta Hernaniko Iraulio Pantaleone bertso eskolako kideei beraien esku hartzeagatik.

Finalerako autobus txartelak

Data: 2009/11/27
autobus1

Bertsozale Elkarteak finalera joan etorria egiteko autobus zerbitzua eskaintzen du.

www.bertsosarrerak.eu atarian dituzue autobus txartelak eskuragarri abenduaren 3ko gauerdia bitartean.

Txartela hartu duzuenok kontutan izan txartelean bertan jartzen duen geltokian hartu behar duzuela autobusa. Herri bakoitzeko ordutegia abenduaren 5ean jakinaraziko da, www.txapelketanagusia.eu atarian.

Erreserba internet bidez egin duzuenok posta elektronikoan jasoko duzue autobusaren irteera orduaren berri.

Belodromo kanpoan jarriko ditugu salgai finalerako sarrerak

Data: 2009/11/26

BECeko finalerako azken sarrerak belodromo kanpoan salduko dira azkenean, aste hasieran saio barruan salduko zirela esan bagenuen ere.

finaleko_sarrerak

Bertsozale Elkartearen asmoa, orain arteko saio guztietan egin izan dugun antzera, saiora datorren bertsozaleari finalerako sarrerak erosteko aukera ematea izan da. Baina egunotan bertsozaleengandik jaso ditugun erantzunak ikusita, belodromoaren kanpoaldean salduko dira sarrerak.

Anoeta estadioko 23.atean lehiatila

Horretarako, Anoeta estadioko 23. atean salduko dira Belodromoko saiorako eta finalerako saiorako sarrerak. Bi ilara egokituko dira eta horietako bat finalerako sarrerak saltzeko bakarrik izango da. Bestean, belodromoko saiorako salduko dira.

Gehienez pertsonako finalerako 2 sarrera erosi ahal izango dira, eta belodromorako lau. Guztira, 300 sarrera jarriko dira salgai finalerako. Lehiatilak arratsaldeko 15etan zabalduko dira.

Azken finalaurrekoa jokatuko da igandean Donostiako belodromoan

Data: 2009/11/26

Bertsolari Txapelketa Nagusia 2009ko azken finalaurrekoa igandean egingo da, azaroaren 29an, Donostiako Antonio Elortza Belodromoan.  Arratsaldeko 17:30ean hasiko da saioa eta orain arteko lez, sei bertsolarik jardungo dute: Iñaki Gurrutxaga, Uxue Alberdi, Maialen Lujanbio, Aitor Sarriegi, Jon Maia eta Arakitz Estiballes.

Azken finalaurrekoa da; beraz, saioaren ostean jakingo da abenduaren 13an, BEC-en (Barakaldon),  Andoni Egañarekin batera finala kantatuko duten zazpi bertsolarien izenak.

Belodromoa 6.200 bertsozalerentzat egokitu du Bertsozale Elkarteak eta dagoeneko 4700 saldu dira. Sarrerak, www.bertsosarrerak.eu webgunean larunbatera bitartean erosteko aukera izango da.  Bertan egunean, arratsaldeko 15etan zabalduko da lehiatila (Anoeta estadioko 23.atean egokituko da). Eta saiora sartzeko ateak, arratsaldeko 16etan zabalduko dira.

Lehenengoz belodromoan, 86ko txapelketan

86ko_belodromoa
Iturria: Xenpelar Dokumentazio Zentrua – argazkia: Juantxo Egaña

Donostiako belodromoa, urteetan bertsolaritzari lotua izan den lekua da. 1986. urtean erabaki zuen Bertsozale Elkarteak lehenengoz saio bat belodromoan egitea. Urte hartako finala izan zen. Harrezkero bost final egin dira, azkenengoa 2001.urtekoa. 1991. urtean ere, Gipuzkoako bertsolari txapelketaren finala egin zen.

Hona hemen Xenpelar Dokumentazio Zentrutik jasota argazki batzuk (2001eko txapelketakoak). Argazkilaria: Juantxo Egaña

“Zuloa josteko” aukera izan dezake bertsohip lehiaketako asteko irabazleak

Data: 2009/11/25

Bertsohip lehiaketaren bigarren saioa entzuteko aukera izan dugu goizeon Gaztea irratiko Dida saioan. “Zuloa”  izeneko koplak izan dira asteko irabazle.

Entzun

Finalerako sarrerak, telefono mugikorrak eta kamixetak daude daude jokoan Bertsozale Elkarteak eta Gazteak elkarrekin eratu dugun lehiaketa honeta. Sari hauek eskuratzeko azken aukera datorren asteazkenean dago. Parte hartu eta animatu!

  • Bertso saio hautatuak bertsoplaza.tv-n

  • BARAKALDO

    Bertsolaria Puntuak
    Maialen Lujanbio 1630,75
    Amets Arzallus 1582
    Jon Maia 1060
    Andoni Egaña 1058
    Unai Iturriaga 1046,25
    Sustrai Colina 1037,5
    Aitor Mendiluze 1009,25
    Aitor Sarriegi 983,75
  • Eskura ezazu esku-programa
  • Eskura ezazu txapelketari buruzko informazioa sakeleko telefonoan eskuratzeko argibideak


  • Eskura ezazu esku-programa
Iradoki Presentzia & Komunikazioa